6-уми майи соли 2025 дар доираи омодагӣ ба Конфронси байналмилалии сатҳи баланд оид ба ҳифзи пиряхҳо дар Маҷлиси намояндагони Маҷлиси Олии Ҷумҳурии Тоҷикистон

Иброз гардид, ки чорабинии мазкур дар асоси нақшаи кори Кумитаи Маҷлиси намояндагон оид ба масъалаҳои аграрӣ, захираҳои об ва замин ва Комиссияи экологии Маҷлиси намояндагон бо мақсади ҳамовозӣ ба ташаббуси навбатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани соли 2025 «Соли байналмилалии ҳифзи пиряхҳо» ва Конфронси байналмилалии сатҳи баланд оид ба ҳифзи пиряхҳо, ки рӯзҳои 29-31 майи соли 2025 дар шаҳри Душанбе баргузор мегардад, доир карда мешавад.

Таъкид шуд, ки ҳама мушкилоти экологии сайёра ба солимии аҳолӣ бетаъсир намемонад. Некуаҳволӣ, рушди иқтисодӣ ва солимии насли оянда аз солимии табиат вобастагии зич дорад. Муносибати ғайриоқилона бо табиат, зиёд гаштани талаботи саноат ба об, равандҳои биёбоншавӣ ва истифодаи аз меъёр зиёди об метавонад ба оқибатҳои ногувор оварда расонад.

Зикр гардид, ки беш аз 60 фоизи обҳои ошомидании кишварҳои Осиёи Марказӣ аз ҷумҳурии мо сарчашма мегиранд ва ин захираҳои об бояд ҳифз ва ба наслҳои оянда ба мерос гузошта шаванд.

М. СУЛТОНОВ,

«Садои мардум»

Тағйирёбии иқлим яке аз мушкилоти асри XXI мебошад. Ин раванд боиси расондани таъсири манфӣ ба табиат, гуногунии биологӣ ва дигар бахшҳои иқтисодию иҷтимоӣ гардидааст. Тағйирёбии обу ҳаво сабаби вайроншавии низоми репродуктивии табиии флора ва фаунаҳо гардида, ба оқибатҳои ногувор, бахусус, ба деградатсияи гуногунии биологӣ ва экосистемаҳои обӣ, оварда мерасонад.

Дар тӯли ду даҳсолаи охир раванди тағйирёбии иқлим мувозинати экологии гуногунии биологӣ ва бехатарии биологиро тағйир дод. Тибқи муқаррароти Созишномаи Париж давлатҳои аъзо қарор қабул намудаанд, ки баландшавии ҳарорат дар сайёра бояд дар сатҳи то 2°C нигоҳ дошта шавад. Новобаста аз қабули чунин ҳадаф хатари коҳиш ёфтани гуногунии биологӣ танҳо 50 дарсад кам мегардад. Аз рӯйи арзёбии олимон, агар баландшавии ҳарорати миёнаи глобалӣ то ба 2°C то соли 2100 идома ёбад, тақрибан 18 дарсад рустанӣ ва 22 дарсад ширхӯрон аз рӯйи замин нест мешаванд.

Гармшавии глобалӣ ва таъсири тағйир­ёбии иқлим ба захираҳои табиӣ ва ҳолати экологии минтақа низ таъсири беш аз пеш расонида истодааст. Мувофиқи ақидаи гурӯҳи мушовирон оид ба тағйирёбии иқлим (IPCC, 2021), Осиёи Марказӣ ба минтақаҳое дохил мешавад, ки зери хатари ҷиддии таъсири тағйирёбии иқлим қарор дорад. Хоса, Ҷумҳурии Тоҷикистон, ки дорои сохтори мураккаби гуногунии иқлимӣ ва биогеографӣ мебошад, ба чунин равандҳо ҳассостар аст.

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун роҳбари ғамхору дурандеш зарурати ҳифзи гуногунии биологиро ба назар гирифта, 22 сентябри соли 2010 дар шаҳри Ню-Йорки ИМА дар машварати сатҳи Маҷмаи умумии СММ чунин иброз намуданд: «Захираҳои биологӣ ганҷинаи умумибашарианд ва тадбирҳои дилхоҳ оид ба нигаҳдории гуногуннавъии биологӣ хислати трансмиллӣ доранд ва на фақат ба кишварҳои алоҳида, балки барои минтақаҳо, умуман, ҷомеаи ҷаҳонӣ, судовар ҳастанд, зеро нест шудани ҳар намуди набототу ҳайвонот бояд боиси нигаронии тамоми ҷомеаи ҷаҳонӣ гардад».

Гуногунии биологии Ҷумҳурии Тоҷикис­тон хеле бой буда, дар кишвар беш аз 9500 намуди наботот ва зиёда аз 13000 намуди ҳайвонот вомехӯрад. Тибқи таҳлили олимони тоҷик дар ҳудуди Ҷумҳурии Тоҷикистон 304 намуди наботот ва 242 намуди ҳайвонот дар асоси меъёру категорияҳои муқарраргардидаи Иттиҳоди байналмилалии ҳифзи табиат ҳамчун намудҳои нодиру зери таҳдиди маҳвшавӣ қарордошта ба Китоби сурхи Ҷумҳурии Тоҷикистон ворид шудаанд.

Намудҳои нодиру эндемикӣ, хусусан бабри барфӣ, бузи кӯҳии сибирӣ, морхӯр, гӯсфанди уралӣ ва намояндагони набототи кӯҳӣ, аз таъсири чунин тағйирёбӣ бештар осебпазиранд.

Дар тӯли 70 соли охир тамоюли баландшавии ҳарорати ҳаво дар кишвар ба қайд гирифта шуда, аз рӯйи маълумоти Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ҳарорати миёнаи солона дар ҷумҳурӣ ба ҳисоби миёна 1–1,2°C нисбат ба нимаи асри XX афзудааст. Баландшавии ҳарорат дар минтақаҳои Помири кӯҳӣ бештар эҳсос мешавад. Ҳамзамон, афзоиши шумораи зуҳуроти экстремалии иқлимӣ, аз қабили обхезӣ, хушксолӣ ва ярч, зиёд аст.

Хароҷоти миёнаи солона дар натиҷаи харобшавии замин дар Ҷумҳурии Тоҷикистон тақрибан 325 миллион доллари ИМА-ро дар соли 2023 ташкил дод, ки баробар ба 2,7 фоизи маҷмуи маҳсулоти дохилии кишвар мебошад.

Мушоҳидаҳо нишон медиҳанд, ки дар раванди тағйирёбии иқлим соли 2024-ум 874 ҳодисаи гидрометеорологӣ ба қайд гирифта шудааст, ки нисбат ба соли 2023-юм 70 ҳолат зиёд аст. Чунин ­тағйирот ба шиддатёбии равандҳои глобалӣ рабт дошта, гармшавии атмосфера боиси афзоиши намнокӣ дар ҳаво мегардад ва шиддати боришотро зиёд мекунад.

Тибқи арзёбии коршиносон пешгӯйиҳои модели иқлимӣ афзоиши обро дар давраи камобии тирамоҳ ва коҳишёбии онро дар давраи обхезии тобистон пешбинӣ мекунанд. Равшан аст, ки ин ба обёрии замин, парвариши зироат таъсир расонида метавонад. Паст шудани сифати обҳои рӯйизаминӣ ва зеризаминӣ дар натиҷаи болоравии ҳарорат метавонад ба мувофиқ будани истифодаи об барои эҳтиёҷоти маишӣ ва ошомиданӣ таъсири манфӣ расонад.

Таҳлилҳо нишон медиҳанд, ки тамоюли миёнаи солонаи ҳарорати ҳаво низ аз меъёри иқлимӣ зиёд, аз ҷумла дар баландиҳои 1000 м аз сатҳи баҳр +1,9 °С, аз 1000 то 2500 м аз сатҳи баҳр +1,6 °C, дар баландии 2500 м аз сатҳи баҳр +1,9 °С, мебошад.

Чуноне котиби генералии Созмони ҷаҳонии обуҳавошиносӣ Селеста Сауло иброз намуд, соли 2024 аз ҳама гармтарин сол буда, соли 2023 нисбат ба 50 соли охир аз ҳама бештар обшавии пиряхҳо ба қайд гирифта шудааст.

Пиряхҳо тақрибан 70 дарсади оби ширини ҷаҳонро дар худ нигоҳ медоранд. Аммо бо сабаби тағйирёбии иқлим ин масоҳатҳои яхпӯш рӯз аз рӯз кам шуда истодаанд. Ҳифзи криосфера на танҳо аз нуқтаи назари экологӣ, балки барои рушди устувори иқтисодӣ, фарҳангӣ ва ҳамзамон, чун воситаи зиндагии мардум муҳим аст.

Таъминоти зиндагӣ ва иҷтимоиёти зиёда аз 2 млрд. одам дар рӯйи замин ба обшавии барф ва пиряхҳо вобастагии зич дорад. Равандҳои зикршуда ин теъдод сокинони сайёраро бо оби нӯшокӣ ва кишоварзӣ таъмин мекунад. Тибқи рейтинги «ND-GAIN», (соли 2021), Ҷумҳурии Тоҷикистон, бо назардошти аҳолии минтақаҳои деҳот ва шакли кишоварзӣ, инчунин, релефи кӯҳиву хавфи офатҳои табиӣ, байни 195 кишвар ҷоий 98-умро ишғол намуд. Дар гузориш оид ба иқлим ва рушд зикр шудааст, ки даҳсолаи охир новобаста аз рушди иқтисодиву саноатии кишвар, танҳо 0,04 фоизи партовҳои газҳои гулхонаӣ дар ҷаҳон ба Ҷумҳурии Тоҷикистон рост меояд.

Соли 2021, зимни нахустин ҷаласаи пешвоёни Эътилофи обу иқлим Президенти Ҷумҳурии Тоҷикистон муҳтарам ­Эмомалӣ Раҳмон оид ба обшавии босуръати пиряхҳо дар баробари зиёдшавии истеъмоли об, изҳори нигаронӣ карданд. Пешвои миллат пешниҳод намуданд, ки ҷиҳати ҷалби ҷомеаи ҷаҳонӣ ба масъалаи мазкур соли 2025 «Соли байналмилалии ҳифзи пиряхҳо» ва 21-уми март «Рӯзи байналмилалии ҳифзи пиряхҳо» эълон ва бунёди махсуси байналмилалии ҳифзи пиряхҳо таъсис дода шавад. Хушбахтона, 14 декабри соли 2022 Маҷмаи умумии Созмони Милали Муттаҳид қатъномаи махсусро доир ба эълон кардани соли 2025 «Соли байналмилалии ҳифзи пиряхҳо» қабул кард. Ташаббуси мазкур барои ҳалли мушкилот дар чанд самти муҳим, аз ҷумла таҳкими низоми мониторинги пиряхҳо барои беҳтар кардани сифати ҷамъо­варӣ ва коркарди маълумот, огоҳии саривақтӣ оид ба зуҳуроти хавфнок, идораи ҳамгироёнаи захираҳои обӣ дар минтақаҳои ба об эҳтиёҷдошта, ҳифзи расму оин ва донишҳои фарҳангии бо пир­яхҳо вобаста, ҷалби ҷавонон ба ҳифзи пиряхҳо ва пешгирӣ аз тағйирёбии иқлим ва ғайраҳо, равона шудааст.

Қобили зикр аст, ки масоҳати кӯҳҳои яхпӯши кишварҳои Осиёи Марказӣ тақрибан 17 ҳазор км²-ро ташкил мекунанд, ки зиёда аз 60 дарсади ин пиряхҳо дар кӯҳҳои Ҷумҳурии Тоҷикистон ҷойгиранд ва сарчашмаи обҳои мусаффои минтақа ба шумор мераванд. Аз рӯйи таҳқиқот андозаи пиряхҳои кишвар 25-35 дарсад нисбат ба нимаи асри гузашта кам шудаанд ва тибқи пешгӯиҳо агар обшавии пиряхҳо бо ҳамин суръат идома ёбад, то охири асри XXI хатари 50 дарсади нобудшавии онҳо вуҷуд дорад.

Тавре Директори генералии ­ЮНЕСКО Одрэ Азуле гуфтааст, воқеан, «Ҳифзи пиряхҳо яке аз вазифаҳои муҳими инсоният ба шумор меравад. Пиряхҳо муҳофизи таърихи иқлими сайёра, сарчашмаи зиндагии миллиардҳо одамон ва ҷойҳои муқаддаси намояндагони фарҳанги гуногун мебошанд. Обшавии босуръати онҳо моро водор мекунанд, ки чораҳои таъхирнопазир андешем». Ҷумҳурии Тоҷикис­тон дар солҳои соҳибистиқлолӣ бо ин мақсад зиёда аз 20 стратегия ва барномаҳои давлатию соҳавӣ, аз ҷумла «Стратегияи миллии рушди Ҷумҳурии Тоҷикистон барои давраи то соли 2030», «Стратегияи миллии мутобиқшавӣ ба тағйир­ёбии иқлими Ҷумҳурии Тоҷикистон барои давраи то соли 2030», «Стратегияи рушди иқтисоди «сабз» барои солҳои 2023-2037», «Стратегияи миллии Ҷумҳурии Тоҷикис­тон оид ба паст кардани хавфи офатҳои табиӣ барои солҳои 2019-2034», «Стратегияи миллии оби Ҷумҳурии Тоҷикистон барои давраи то соли 2040», «Барномаи давлатии экологии Ҷумҳурии Тоҷикистон барои солҳои 2023–2028» ва барномаҳои дигарро ҷиҳати беҳдошти муҳити зисту солимии аҳолӣ ва пешгирии тағйирёбии иқлим қабул ва татбиқ карда истодааст.

Илова бар ин, Ҷумҳурии Тоҷикистон барои таҳкими ҳамкориҳо дар арсаи байналмилалӣ саъю талош варзида, барои кам кардани таъсири газҳои гулхонаӣ ва таъсири манфии иқлим ба соҳаи гидроэнер­гетика, истеҳсоли маҳсулоти аз лиҳози экологӣ тоза, сатҳи рушди сармояи табиии кишвар, ҳиссаи технология­ҳои каммасраф дар саноати кишвар, сайёҳии экологӣ ва рушди иқтисоди «сабз» таваҷҷуҳи хоса зоҳир менамояд. Дар ин самт, таҷдиду сохтмони неругоҳҳои барқи обӣ идома дошта, истеҳсол ва истифодаи электромобилҳо васеъ ба роҳ монда шудааст, ки идомаи мантиқии иқтисоди «сабз» ва пешгирии таъсири манфии тағйирёбиҳои иқлим мебошад.

Тоҷикистон миёни кишварҳои ИДМ аз ҷиҳати истеҳсоли неруи барқи тоза ҷои аввалро ишғол мекунад. Қобили зикр аст, ки давлати мо зиёда аз 95 дарсади неруи барқро аз ҳисоби гидроэнергетика ба даст меорад. Тоҷикистон сиёсат ва диплома­тияи худро дар соҳаи обу иқлим мувофиқи тамоюли минтақавӣ ва ҷаҳонӣ бар асоси принсипҳо ва меъёрҳои эътирофшуда амалӣ менамояд. Ҳамзамон, сиёсати кишвар дар соҳаи об манфиатҳои миллиро мадди назар дошта, барои татбиқи самарабахши он ислоҳоти дахлдори низоми идоракунии захираҳои об роҳандозӣ гардидааст.

Хулоса, тағйирёбии иқлим дар Ҷумҳурии Тоҷикистон таъсири маҷмуӣ ба равандҳои табиӣ ва бахшҳои иқтисодӣ-иҷтимоӣ расонида, стратегияи идоракунии устувори сарватҳои табиӣ ва мутобиқшавии комплексӣ дар асоси маълумотҳои ­илмӣ-таҳқиқотӣ кам кардани осебпазирии экосистемаҳоро ташкил мекунанд. Тақвият бахшидани кор дар ин самт барои рушди устувори Ватани азизамон нақши муҳим дорад.

Зарафо ҚИЁМЗОДА,

Дилафрӯз САИДӢ,

Ориф АМИРЗОДА,

вакилони Маҷлиси намояндагони Маҷлиси Олии Ҷумҳурии Тоҷикистон

Дар он масъалаҳо «Оид ба лоиҳаи Қонуни Ҷумҳурии Тоҷикистон «Дар бораи ворид намудани тағйиру илова ба Кодекси андози Ҷумҳурии Тоҷикистон» ва «Оид ба лоиҳаи Қонуни Ҷумҳурии Тоҷикистон «Дар бораи ворид намудани тағйирот ба Кодекси ҷиноятии Ҷумҳурии Тоҷикистон» мавриди баррасӣ қарор гирифта, барои додани хулоса ба кумитаҳои Маҷлиси намояндагон ва раёсати ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон пешниҳод карда шуданд.

Панҷуми майи соли 2025 таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид.

Дар он масъалаҳо «Дар бораи лоиҳаи Қонуни конститутсионии Ҷумҳурии Тоҷикистон «Оид ба ворид намудани илова ба Қонуни конститутсионии Ҷумҳурии Тоҷикистон «Дар бораи шаҳрвандии Ҷумҳурии Тоҷикистон», «Дар бораи лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи уҳдадории ҳарбӣ ва хизмати ҳарбӣ», «Дар бораи лоиҳаи Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи ҳифзи ҳуқуқҳои кӯдак» ва «Дар бораи лоиҳаи Қонуни Ҷумҳурии Тоҷикистон «Оид ба ворид намудани тағйир ба Қонуни Ҷумҳурии Тоҷикистон «Дар бораи воситаҳои нашъадор, моддаҳои психотропӣ ва прекурсорҳо» мавриди баррасӣ қарор гирифта, барои додани хулоса ба кумитаҳои Маҷлиси намояндагон ва раёсати ҳуқуқи Дастгоҳи Маҷлиси намояндагони Маҷлиси Олии Ҷумҳурии Тоҷикистон пешниҳод карда шуданд.

«Садои мардум»

2-юми майи соли 2025 Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар доираи курси «Пайравони Пешвои миллат» бо як гурӯҳ ҷавонони кишвар мулоқот намуд.

- Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар замири ҷавонони кишвар ҳамчун Асосгузори давлати навини тоҷикон ва муаррифгари асили миллати тоҷик дар арсаи байналмилалӣ нақши воло доранд. Бинобар ин, ҷавонон бояд бештар илм омӯзанд, ба забономӯзӣ машғул шаванд, дастуру раҳнамоиҳои Сарвари кишвар муҳтарам Эмомалӣ Раҳмонро сармашқи кору фаъолияти худ қарор диҳанд, — таъкид намуд Файзалӣ Идизода.

Иброз гардид, ки дар марҳилаҳои рушди давлатдорӣ ва таҳкими сиёсати давлатии ҷавонон қабули Қонуни Ҷумҳурии Тоҷикистон «Дар бораи ҷавонон ва сиёсати давлатии ҷавонон», консепсияву стратегияҳои давлатӣ дар самти татбиқи сиёсати давлатии ҷавонон ва амалигардонии як қатор барномаҳои соҳавии давлатӣ, мулоқотҳои пайваставу мунтазами Пешвои миллат бо намояндагони ҷавонони кишварамон, роҳандозии як зумра ҳавасмандиҳо, аз қабили Стипендияи президентӣ, Ҷоизаи ба номи Исмоили Сомонӣ барои олимони ҷавон ва эълон гардидани соли 2017 «Соли ҷавонон» дастовардҳои беназиру нотакрор дар ҳаёти ҳар як ҷавони хушбахти ҷумҳуриамон мебошад.

5-уми майи соли 2025 Раиси Маҷлиси намояндагони Маҷлиси Олии Ҷумҳурии Тоҷикис

Дар мулоқот таъкид гардид, ки Ҷумҳурии Исломии Покистон аз ҷумлаи аввалин кишварҳое мебошад, ки Истиқлоли давлатии Ҷумҳурии Тоҷикистонро ба расмият шинохт. Ҳамзамон, 6 июни соли 1992 ҳар ду кишвар робитаҳои дипломатии худро расман ба роҳ монданд.

- Боиси хушнудӣ аст, ки робитаҳои стратегии Тоҷикистон ва Покистон аз пайвандҳои маънавию таърихии ҳар ду мардуми дӯст, инчунин, аз муносибатҳои бародаронаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Сарвазири Ҷумҳурии Исломии Покистон муҳтарам Шаҳбоз Шариф маншаъ мегирад. Муносибатҳои стратегӣ миёни ҳар ду кишвари дӯст дар асоси ҳамдигарфаҳмӣ ва бо назардошти манфиатҳои тарафайн густариш ёфта истодаанд, — иброз дошт Файзалӣ Идизода.

Зикр шуд, ки Маҷлиси намояндагон аз густариши устувори ҳамкорӣ бо Ассамблеяи миллии Ҷумҳурии Исломии Покистон манфиатдор буда, муколама, мубодилаи сафарҳои расмии ҳайати гурӯҳҳои дӯстӣ ва ҳамкории байнипарлумониро идома хоҳад дод. Барои ҳамкории судманд ва мушаххас гардонидани муносибатҳои ҳар ду кишвар чӣ дар соҳаҳои иқтисоду тиҷорат ва чӣ дар бахшҳои мухталифи иҷтимоиёт имкониятҳои то ҳол истифоданашуда зиёданд.

Дар рафти мулоқот таъкид шуд, ки табодули таҷрибаи вакилони ҳар ду кишвар ба нафъи тарафҳо буда, барои пешрафти фаъолияти қонунгузорӣ мусоидат хоҳад кард.

М. СУЛТОНОВ,

 «Садои мардум»

Рӯзҳои 27-28 апрели соли 2025 дар шаҳри Куала-Лумпури  Малайзия иҷлосияи  15-уми Ассамблеяи генералии  Форуми парламентҳои Осиё оид ба аҳолӣ ва рушд (AFPPD) баргузор гардид, ки дар он муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ иштирок  намуд.

Зимни суханронӣ дар форуми мазкур Мавсума Муинӣ  иброз  дошт, ки Маҷлиси намояндагони Маҷлиси Олии Ҷумҳурии Тоҷикистон аз соли 2001 инҷониб узви Форуми парламентҳои Осиё оид ба аҳолӣ ва рушд (AFPPD) мебошад.

 Номбурда аз тадбирҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар вобаста ба таъмини риояи ҳуқуқҳои  конститутсионии занон, фароҳам овардани шароити муносиби кору зиндагӣ, инчунин, таҳкими мақому манзалати онҳо дар ҷомеа ёдовар шуда, қонунҳои миллӣ, консепсияву стратегия ва барномаву нақшаҳои миллии дар ин самт қабулшударо муаррифӣ намуд.

- Мо комилан ҷонибдори татбиқи минбаъдаи «Барномаи амали Конфронси байналмилалӣ оид ба аҳолӣ ва рушд» буда, даъват менамоем, ки бозёфтҳо ва тавсияҳои дар баррасиҳои минтақавӣ бадастомада ба рӯзномаи саммити оянда дохил карда шаванд, — гуфт Мавсума Муинӣ.

Дар интиҳои форум зимни муайян намудани ҳайати нави кумитаи иҷроия Мавсума Муинӣ бо ҷонибдории якдилонаи иштирокдорон раиси гурӯҳи парламентии Кумитаи доимамалкунанда оид ба масъалаҳои иқлими Форуми парламентҳои Осиё интихоб гардид.

Муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар доираи Форуми парламентҳои Осиё бо муовини ­Раиси Сенати Малайзия  Датук Нур Ҷазлан бин Тан Шрӣ Муҳаммад мулоқот намуд.

Зимни мулоқот таъкид гардид, ки парламенти Тоҷикистон ба ояндаи неки ҳамкориҳои созандаи байни кишварҳо назари нек дошта, омода аст минбаъд низ робитаҳои дӯстона ва шарикии ҳамаҷонибаро бо Малайзия дар ҳамаи бахшҳо таҳким бахшад.

Ҳамчунин, иброз гардид, ки муносибатҳои байнипарлумонии Тоҷикистону Малайзия ба густариши ҳамкориҳо байни Тоҷикис­тон ва Малайзия шароити мусоид фароҳам оварда, гурӯҳи дӯстӣ миёни Маҷлиси намояндагони Маҷлиси Олии Ҷумҳурии Тоҷикистон бо  Девон Ракияти (Парламенти) Малайзия ба ин ҳамкориҳо вусъати тоза хоҳанд бахшид.

М. СУЛТОНОВ,

«Садои мардум»

28-уми апрели соли 2025 ҳайати парлумонии Маҷлиси намояндагони Маҷлиси Олии Ҷумҳурии Тоҷикистон бо роҳбарии Раиси Маҷлиси намояндагон Файзалӣ Идизода барои иштирок дар Форуми байналмилалии «Мероси бузург — ояндаи муштарак», ки аз 28 апрел то 1 майи соли 2025 баргузор гардид, ба шаҳри Волгогради Федератсияи Россия сафар кард.

Дар ин сафар Файзалӣ Идизодаро раисони кумитаҳои Маҷлиси намояндагон Маҳмадшоҳ Гулзода, Муҳаммад Шодиён, Муҷибахон Ҷавҳарӣ ҳамроҳӣ намуданд.

29-уми апрели соли 2025 ҳайати парламентии Тоҷикистон бо роҳбарии Раиси Маҷлиси намояндагон Файзалӣ Идизода кори худро аз маросими гулчанбар гузоштан дар назди «Оташи абадӣ» дар маҷмааи «Мамаев Қӯрғон», макони рамзии хотира ва қаҳрамонӣ дар шаҳри Волгогради Федератсияи Россия, оғоз намуд.

Сипас, ҳайати парламентии Тоҷикистон ба маҷмааи ёдгории таърихии «Қаҳрамонони ҷанги Сталинград» ташриф оварда, хотираи ҳалокшудагонро гиромӣ дошта, экспонатҳои осорхонаро тамошо карданд.

Ҳайати парламентии Тоҷикистон, ҳамчунин, дар кори бахши форуми «Ҳифзи хотираи умумии таърихӣ», ки дар он масъалаҳои муҳимтарини ҳамкориҳои байналмилалии башардӯстона, ҳифзи ҳақиқат дар бораи ҳодисаҳои Ҷанги дуюми ҷаҳонӣ ва ҳамкориҳои байнидавлатӣ дар соҳаҳои маорифу таърих баррасӣ шуданд, иштирок намуданд.

Ёдовар мешавем, ки форуми мазкур дар шаҳри Волгоград ба муносибати 80-солагии Ғалабаи бузург дар Ҷанги Бузурги Ватании солҳои 1941-1945 бахшида шуда буд.

Дар шаҳри Волгогради Федератсияи Россия ҷаласаи ҷамъбас­тии Форуми байналмилалии «Мероси бузург – ояндаи умумӣ» таҳти раёсати президентҳои Россия ва Беларус Владимир Путин ва Александр Лукашенко оғоз шуд.

Дар кори форуми мазкур, ҳамчунин, раисони парлумонҳо, ассамблеяҳои парлумонӣ ва ҳайатҳои парламентии хориҷӣ иштирок доштанд.

Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар назди иштирокчиёни форум баромад намуда, саҳми халқи тоҷикро дар Ғалаба дар Ҷанги Бузурги Ватанӣ, аз ҷумла қаҳрамонии дивизияи 61-уми савораи тоҷикро, ки дар озод кардани шаҳри Сталинград иштирок дошт, махсус таъкид намуд.

Мавсуф ба аҳамияти ҳифзи ҳақиқати таърихӣ, эҳтиром ба гузаштаи умумӣ ва хотираи қаҳрамонии ҳамаи халқҳои собиқ Иттиҳоди Шуравӣ таваҷҷуҳ намуда, таъкид кард, ки танҳо дар ­руҳияи муҳаббат ба ватан ва эҳтиром ба таърих сулҳу ваҳдатро пойдор нигоҳ доштан мумкин аст.

Иброз дошта шуд, ки Ғалабаи бузург бар фашизм ба шарофати муттаҳидӣ, ҷидду ҷаҳд ва ягонагии ҳамаи халқҳои собиқ Иттиҳоди Шуравӣ, ки дар майдони ҷанг мардонагӣ ва қаҳрамонӣ нишон доданд, ба даст омадааст. Дар солҳои ҷанг аз Тоҷикистон аз 1,5 миллион нафар аҳолӣ зиёда аз 300 ҳазор нафар ба фронт даъват шуда буданд. Қариб 45 ҳазор нафар сокинони Тоҷикистон ба корхонаҳои дигар вилоятҳои Иттиҳоди Шуравӣ фиристода шуданд, ки бисёрии онҳо аз он ҷо ба фронт рафтанд. Зиёда аз 100 ҳазор нафар сокинони Тоҷикистон дар майдони ҷанг ҷон бохтанд, ки тақрибан 40 дарсади шумораи умумии даъватшудагонро ташкил медиҳад. Тоҷикистон дар ҳалли проблемаҳои умумии тамоми мамлакат, аз ҷумла дар ташкили қисмҳои ҳарбӣ, бо озуқаворӣ ва лавозимоти ҳарбию техникӣ таъмин намудани фронт, фаъолона иштирок намуд.

- Ҷанговарони тоҷик дар ҳамаи муҳорибаҳо ва воқеаҳои муҳими Ҷанги Бузурги Ватанӣ, аз ҷумла муҳофизати қалъаи Брест, шаҳрҳои Киев, Смоленск, Одесса, Севастопол, фаъолона иштирок намуданд. Онҳо барои озод кардани Ленингради муҳосирашуда ёрӣ расонда, барои озод намудани Курск низ ҷангиданд. Мо ба хотираи ҳамаи онҳое, ки дар Ҷанги Бузурги Ватанӣ ҷони худро бохтаанд, сари таъзим фуруд меорем, — гуфт дар интиҳо ­Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода.

Ҳамин тариқ, форум ба як платформаи муҳими муколамаи байналмилалӣ табдил ёфт, ки ба ҳифзи хотираи таърихӣ ва таҳкими робитаҳои фарҳангии байни кишварҳо нигаронида шуда буд.

Муҳаммадато СУЛТОНОВ,

«Садои мардум»

23-юми апрели соли 2025 Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо сафири фавқулода ва мухтори Ҷумҳурии Мардумии Чин дар Ҷумҳурии Тоҷикистон Ҷӣ Шумин мулоқот намуд.

Зимни суҳбат иброз гардид, ки аз барқароршавии муносибатҳои дипломатии Ҷумҳурии Тоҷикистон бо Ҷумҳурии Мардумии Чин 33 сол сипарӣ гардида, Ҷумҳурии Тоҷикистон бо Ҷумҳурии Мардумии Чин ҳамкориҳои дӯстонаю мутақобилан судмандро ба роҳ мондааст, ки заминаи меъёрӣ-ҳуқуқии онро зиёда аз 250 санад ташкил медиҳад.

Дар таърихи муносибатҳои неки дуҷониба ва бисёрҷонибаи кишварҳо нақши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин Сӣ Ҷинпин хеле назаррас арзёбӣ гардид.

- Муносибатҳои байнипарлумонии кишварҳоямон пайваста густариш ёфта истодаанд, ки ба рушду таҳкими муносибатҳо дар дигар ҷанбаҳо мусоидат хоҳанд намуд,- зикр кард Файзалӣ Идизода.

М. СУЛТОНОВ,

 «Садои мардум».

Суратгир Н. АЛИЕВ

Бисту панҷуми апрели соли 2025 таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид.

Дар он масъалаҳо  «Дар хусуси Созишномаи қарзӣ байни Ҷумҳурии Тоҷикистон ва Бонки аврупоии таҷдид ва рушд вобаста ба лоиҳаи «Таҷдиди роҳи автомобилгарди Данғара-Гулистон» ва  «Дар хусуси Созишномаи №1 оид ба ворид намудани тағйирот ба Созишномаи қарзӣ аз 11 марти соли 2022 байни Ҷумҳурии Тоҷикистон ва Бонки аврупоии таҷдид ва рушд вобаста ба лоиҳаи «Барқарорсозии системаи обтаъминкунӣ ва обпарто дар ноҳияи Файзобод» мавриди баррасӣ қарор гирифта, барои додани хулоса ба кумитаҳои Маҷлиси намояндагони Маҷлиси Олии Ҷумҳурии Тоҷикис­тон ва раёсати ҳуқуқи Дастгоҳи Маҷлиси намояндагон пешниҳод карда шуданд.

Шурои Маҷлиси намояндагон, инчунин, масъалаҳо «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати комиссияҳои доимии Ассамблеяи парламентии Созмони Аҳдномаи амнияти дастҷамъӣ», «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати Гурӯҳи миллии Ассамблеяи парламентии Созмони ҳамкориҳои иқтисодӣ», «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати Гурӯҳи миллии Иттиҳоди байнипарламентӣ», «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати Гурӯҳи миллии Иттиҳоди парламентии давлатҳои аъзои Созмони ҳамкории исломӣ», «Дар бораи пешниҳод кардани вакилони  Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати Гурӯҳи миллии Ассамблеяи парламентҳои Осиё», «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати кумитаҳои умумии Ассамблеяи парламентии Созмони амният ва ҳамкорӣ дар Аврупо», «Дар бораи пешниҳод кардани вакилони Маҷлиси намояндагони Маҷлиси Олии Ҷумҳурии Тоҷикистон барои ворид шудан ба ҳайати комиссияҳои доимии Ассамб­леяи байнипарламентии давлатҳои иштирокчии Иттиҳоди Давлатҳои Мустақил (АБП ИДМ)», «Дар бораи ташкил кардани Гурӯҳи ҳамкорӣ байни Маҷлиси намояндагони Маҷлиси Олии Ҷумҳурии Тоҷикистон ва Парламенти Аврупо», «Оид ба таъсиси Комиссияи байнипалатагии парламентӣ байни Маҷлиси намояндагони Маҷлиси Олии Ҷумҳурии Тоҷикистон ва Думаи давлатии Маҷлиси Федералии Федератсияи Россия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси миллии Ҷумҳурии Арманис­тон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шурои намояндагони Ассамблеяи миллии Баҳрайн», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Шоҳигарии Белгия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси Шурои Исломии Ҷумҳурии Исломии Эрон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Риксдаги (Парламенти) Шоҳигарии Шветсия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Шотландия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи обшинаҳои Шоҳигарии Англия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Австралия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шурои миллии Парламенти Ҷумҳурии Австрия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Штатҳои Муттаҳидаи Америка», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси миллии халқии Алҷазоир», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Ал-Маҷлис-ул-Иттиҳод-ул-Ватани Амороти Муттаҳидаи Араб», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлис аш-Шурои Арабистони Саудӣ», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи вакилони Парламенти Ҷумҳурии Чехия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шурои миллии Конфедератсияи Шветсария», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Ҷумҳурии Шри Ланка», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Мажилиси Парламенти Ҷумҳурии Қазоқистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Жогорку Кенеши Ҷумҳурии Қирғизистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Рийгикогуи (Парламенти) Ҷумҳурии Эстония», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Парламенти Япония», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси умумихи­тоии намояндагони халқи Ҷумҳурии Халқии Хитой», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси Шурои (Парламенти) Давлати Қатар», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шурои қонунгузории Давлати Фаластин», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи мардумии Парламенти (Лок-­Сабҳа) Ҷумҳурии Ҳиндустон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикис­тон бо Маҷлиси миллии Парламенти Ҷумҳурии Фаронса», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи вакилони Руминия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикис­тон бо Маҷлиси миллии Ҷумҳурии Словакия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Ҷумҳурии Сингапур», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси мардумии Ҷумҳурии Сербия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Меҷлиси Туркманис­тон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Шоҳигарии Ҳошимии Урдун», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикис­тон бо Маҷлиси бузурги миллии Ҷумҳурии Туркия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи қонунгузории Олий Мажлиси Ҷумҳурии Ӯзбекистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлис аш-Шурои Салтанати Уммон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Ҷумҳурии Финляндия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Девон Ракияти (Парламенти) Малайзия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Ҷумҳурии Молдова», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Хурали бузурги давлатии (Парламенти) Муғулис­тон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Стортинги (Парламенти) Шоҳигарии Норвегия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Нидерландия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Милли меджлиси Ҷумҳурии Озарбойҷон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Бундестаги Ҷумҳурии Федералии Олмон», «Дар бораи ташкили Гурӯҳи дӯстӣ ва ҳамкории Маҷлиси намояндагони  Маҷлиси Олии Ҷумҳурии Тоҷикистон бо Ассамблеяи миллии Ҷумҳурии Исломии Покистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси миллии Давлати Кувайт (Маҷлис-ал-Уммаҳ)», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси миллии Ҷумҳурии Корея», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Ассамблеяи (Парламенти) Ирландияи Шимолӣ», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Ассамблеяи миллии ҳокимияти халқии Ҷумҳурии Куба», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси  Олии Ҷумҳурии Тоҷикистон бо Маҷлиси олии халқии Ҷумҳурии Халқӣ-Демократии Корея», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикис­тон бо Парламенти (Сейми) Ҷумҳурии Лаҳистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти (Сейми) Ҷумҳурии Литва», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти (Сейми) Ҷумҳурии Латвия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи вакилони Люксембург», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Шоҳигарии Марокаш», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Маҷлиси миллии Ҷумҳурии Беларус», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шурои қонунгузории Бруней-Доруссалом», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Ассамблеяи миллии Ҷумҳурии Сотсиалистии Ветнам», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси миллии Венгрия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Гурҷистон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии  Тоҷикистон бо Фолкетинги (Парламенти) Шоҳигарии Дания», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Зеландияи Нав», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Кнессети Давлати Исроил», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи вакилони Италия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Ҷумҳурии Индонезия», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Радаи олии Украина», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи намояндагони Ассамблеяи миллии Таиланд», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Парламенти Ҷумҳурии Юнон», «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси намояндагони Ҷумҳурии Мисри Араб» ва «Дар бораи ташкили Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Сабори (Парламенти) Ҷумҳурии Хорватия»-ро баррасӣ карда, вобаста ба онҳо қарорҳои дахлдор қабул кард.

Шурои Маҷлиси намояндагон, ҳамчунин, «Дар бораи даъват кардани ҷаласаи навбатии Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати ҳафтум» ва «Оид ба лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон «Дар бораи рӯзномаи ҷаласаи навбатии Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати ҳафтум» қарор қабул кард.

«Садои мардум»

22-юми апрели соли 2025 Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо сафири фавқулода ва мухтори Федератсияи Россия дар Тоҷикистон Семён Григорев мулоқот намуд.

Зимни мулоқот таъкид гардид, ки Федератсияи Россия яке аз аввалин давлатҳоест, ки Истиқлоли давлатии Ҷумҳурии Тоҷикистонро ба расмият шинохт. Аз соли 1991 инҷониб  Тоҷикистон ҳамчун давлати соҳибистиқлолу соҳибихтиёр бо Федератсияи Россия ҳамкориҳои дӯстона ва мутақобилан муфидро ба роҳ мондааст.

Зикр шуд, ки робитаҳои қавии ҳар ду кишвар аз пайванд­ҳои ҳамзистӣ, таърихи муштараки халқҳоямон ва муносибатҳои дӯстонаю бародаронаи Президенти Ҷумҳурии Тоҷикистон, Пешвои миллат муҳтарам Эмомалӣ ­Раҳмон ва Президенти Федератсияи Россия муҳтарам Владимир Путин сарчашма  мегиранд.

Иброз дошта шуд, ки муносибатҳои байнипарлумонии ҳар ду кишвар рӯз ба рӯз густариш ёфта, барои рушду таҳкими муносибатҳо дар ҳамаи соҳаҳо, аз ҷумла маориф, илм, фарҳанг, иҷтимоиёт, сайёҳӣ, варзиш, заминаи устувор фароҳам меорад.

Дар мулоқот таъкид гардид, ки 80-солагии Ғалаба дар Ҷанги Бузурги Ватании солҳои 1941-1945, ки ба наздикӣ таҷлил хоҳад шуд, пирӯзии беназири ҳамаи халқҳои собиқ Иттиҳоди Шуравӣ, аз ҷумла Тоҷикистону Федератсияи Россия, мебошад.