26-уми апрели соли ҷорӣ бахшида ба Рӯзи пойтахт дар Қасри тенниси  шаҳри Душанбе барои дарёфти «Ҷоми Раиси шаҳри Душанбе» Мусобиқаи шашуми байналмилалӣ оид ба гӯштингирӣ  баргузор гардид.

Дар ин мусобиқаи байналмилалӣ  беш аз 100 варзишгар аз 25  давлат  дар вазнҳои 65, 78, 95, +95 кг байни мардон ва дар вазни то 70 кг  байни  занон бо ҳам  рақобат карданд.

Байни мардон дар се вазн паҳлавонони тоҷик Суҳроб Боқиев  дар вазни 65, Маҳмадшариф Наҷмиддинов  дар вазни 78 ва Шакармамад Мирмамадов  дар вазни +95 кг  ғолиб шуданд. Дар вазни 95 кг паҳлавон аз Ҷумҳурии Ӯзбекистон Ҷонибек Қазоқов ғалаба кард.

Дар байни занон Алёна Прокопенко, аз Россия, дар вазни то 70 кг соҳиби медали тилло шуд.

Маблағи умумии ҷоизаҳои мусобиқа 110 ҳазор доллари амрикоиро ташкил медод. Ба ғолибони ҷойи аввал 10 ҳазор доллар, барои ҷойи дуюм 5 ҳазор доллар ва барои ҷойҳои сеюм 2 ҳазору 500-долларӣ тақдим гардид.

Г. РАҲМОНОВА,

«Садои мардум»

26-уми апрели соли равон дар Қасри тенниси шафати Варзишгоҳи марказии шаҳри Душанбе шашумин Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» оғоз мешавад.

Дар мусобиқаи мазкур 108 паҳлавон аз 25 кишвари ҷаҳон бо ҳам рақобат хоҳанд кард. Тоҷикистонро дар ин мусобиқа 20 варзишгар намояндагӣ мекунад. Бо Қарори Раиси шаҳри Душанбе нақшаи чорабиниҳои Мақомоти иҷроияи ҳокимияти давлатии шаҳри Душанбе оид ба омодагӣ ва баргузории мусобиқаи мазкур ва ҳайати кумитаи тадорукоти мусобиқа тасдиқ шудааст.

С. СУННАТӢ,

 «Садои мардум»

Дар деҳаи Ҳаёти нави деҳоти Лоҳури ва дар деҳаи Боғаки деҳоти Эсанбойи ноҳияи Рӯдакӣ ба ифтихори ҷашни Наврӯз мусобиқаи гӯштингирӣ доир гардид.

Дар маросими кушодашавии мусобиқа раиси ноҳия Абдуғаффор Ҳикматуллозода ҳозиринро бо ҷашни Наврӯз табрик намуда, аз сиёсати хирадмандона ва дурандешонаи Пешвои миллат муҳтарам Эмомалӣ Раҳмон ёдовар шуд.

Дар ин мусобиқа барои ғолибон ҷоизаҳои гуногун, аз ҷумла ду автомобили сабукрав пешбинӣ гардида буд, ки як автомобил насиби паҳлавон аз деҳаи Баҳористони ноҳияи Рӯдакӣ — Бобо-паҳлавон гардид, ки ӯ рақиби хеш — намояндаи ноҳияи Панҷ Эмомалӣ-паҳлавонро мағлуб намуд.

Исмоил САИДОВ,

ноҳияи Рӯдакӣ

Бо Қарори Раиси шаҳри Душанбе нақшаи чорабиниҳои Мақомоти иҷроияи ҳокимияти давлатии шаҳри Душанбе оид ба омодагӣ ва баргузории мусобиқаи мазкур ва ҳайати кумитаи тадорукоти мусобиқа тасдиқ шудааст. Дар ин чорабинии бонуфуз варзишгарони зиёде аз кишварҳои гуногун ширкат хоҳанд кард.

Ёдовар мешавем, ки дар Мусобиқаи панҷуми байналмилалии «Гӯштингирӣ» барои дарёфти «Ҷоми Раиси шаҳри Душанбе», ки моҳи марти соли 2024 баргузор шуда буд, аз 40  кишвар 200 варзишгар ширкат варзида буданд.

С. СУННАТӢ,

«Садои мардум»

Ғалаба имкон дод, ки тими Тоҷикистон дар гурӯҳ мақоми якумро ишғол карда, роҳхати Ҷоми ҷаҳон — 2025-ро, ки моҳи ноябр дар Давлати Қатар баргузор мешавад, ба даст орад.

Ёдрас мешавем, ки дастаи мунтахаби наврасони Тоҷикистон бори сеюм дар таърихи худ ба қисми ниҳоии мусобиқоти Ҷоми ҷаҳон роҳ ёфт. Қаблан наврасони тоҷик дар ҷомҳои ҷаҳон дар Кореяи Ҷанубӣ (2007) ва Бразилия (2019) иштирок карда буданд.

Г. РАҲМОНОВА,

«Садои мардум»

Мусобиқаи мазкур дар майдони «Дӯсти»-и пойтахт, аз назди муҷассамаи шоҳ Исмоили Сомонӣ оғоз шуда, дар он 120 нафар варзишгар аз 40 кишвар иштирок намуданд. Мақсад аз ин мусобиқа оммавигардонии ин навъи варзиш, ҷалби сайёҳон ва таҳкими нуфузи Тоҷикистон ҳамчун созмондиҳандаи чорабиниҳои бузурги байналмилалӣ мебошад.

Мусобиқа бо ташаббуси Мақомоти иҷроияи ҳокимияти давлатии шаҳри Душанбе якҷо бо Федератсияи велосипедронии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади омода намудани варзишгарони муваффақ ва дарёфти чеҳраҳои нав барои иштирок дар мусобиқаҳои сатҳи баланд роҳандозӣ шуд.

Н. МУРОДБЕКОВА,

«Садои мардум»

Бозиҳои интихобӣ дар ҳашт кишвар: Тоҷикистон, Камбоҷа, Индонезия, Урдун, Мянмар, Тайиланд, Ӯзбекистон ва Ветнам баргузор мешаванд.

Дар даври интихобии Ҷоми Осиё-2026 33 дастаи миллии занона иштирок менамояд. Аз рӯйи натиҷаи қуръакашӣ ҳашт гурӯҳ ташкил карда мешавад: як гурӯҳ аз панҷ даста ва ҳафт гурӯҳ аз чордастаӣ иборат хоҳанд буд.

Марҳилаи интихобии Ҷоми Осиё-2026 байни дастаҳои занона аз 23 июн то 5 июли соли равон баргузор мешавад. Рақибони дастаи мунтахаби занонаи Тоҷикистон 27 март дар маросими қуръакашии марҳилаи интихобӣ маълум мегарданд.

Г. РАҲМОНОВА,

«Садои мардум»

Дар бозии дигари даври сенздаҳум дастаи футзали «Амонатбонк»-и шаҳри Душанбе дар меҳмонӣ аз дастаи «Истаравшан»-и шаҳри Истаравшан бо ҳисоби 3:7 шикаст хӯрд. Дастаи футзали «Сипар»-и шаҳри Хуҷанд дар майдони худ дастаи «Пойтахт»-и Душанберо бо ҳисоби калони 12:1 мағлуб кард. Дастаи футзали «Сомон»-и шаҳри Душанбе бар дастаи -«Регар»-и шаҳри Турсунзода бо ҳисоби калони 9:1 пирӯз шуд.

Пас аз ҷамъбасти сездаҳ даври мусобиқа дастаи футзали «Соро компания» зери роҳбарии сармураббӣ Пайрав Воҳидов бо 33 имтиёз дар ҷадвал дар ҷойи аввал аст. Дастаи футзали «Амонатбонк», ки як бозӣ камтар кардааст, бо 27 имтиёз ҷойи дуюмро касб намуд. Дастаҳои «Истаравшан» ва «Истиқлол» бо 23-имтиёзӣ мутаносибан дар зинаҳои сеюму чаҳорум қарор доранд.

Зикр кардан ба маврид аст, ки чемпионати футзали Тоҷикистон, ки бо иштироки нуҳ даста аз 19 октябри соли 2024 оғоз ёфта буд, то 9 марти соли 2025 идома дорад.

Фархунда АБДУЛҲАКИМОВА,

«Садои мардум»

Баҳром Ёрматов, сармураббии нави дастаи мунтахаби занонаи футзали Тоҷикистон ба ҷамъомади тамринӣ, ки як ҳафта идома мекунад, 22 нафар — 3 дарвозабон ва 19 бозингарро даъват кардааст. Ба рӯйхати ниҳоии даста барои иштирок дар чемпионати CAFA-2025-ум 14 бозингар дохил мешаванд.

Ёдрас мешавем, ки дар чемпионати CAFA-2025 оид ба футзал байни занон дастаҳои мунтахаби занонаи Тоҷикис­тон, Эрон, Ӯзбекистон, Қирғизистон ва Туркманистон иштирок мекунанд. Бозиҳои мусобиқа дар қасри теннис ва маҷмааи варзиши обии шаҳри Душанбе баргузор мешаванд.

Г. РАҲМОНОВА,

«Садои мардум»

Дар ин хусус Алишер Мирзонабот, раиси ВМКБ, зимни қадрдонии ғолибони озмунҳои ҷумҳуриявӣ ва мусобиқаҳои гуногуни варзишӣ, ки дар Театри вилоятии ба номи Меҳрубон Назарови шаҳри Хоруғ сурат гирифт, иттилоъ дод.

Номбурда, инчунин, тавзеҳ дод, ки соли 2024 бо пешниҳоди Тоҷикистон қатъномаи СММ оид ба эълон намудани Рӯзи ҷаҳонии футбол қабул гардид ва татбиқи ин иқдоми Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ барои миллати тоҷик мояи ифтихор аст.

Мавриди зикр аст, ки соли равон дар Озмуни ҷумҳуриявии «Фурӯғи субҳи доноӣ китоб аст» аз 95 ғолиби даври вилоятӣ як нафар соҳиби шоҳҷоиза, ду нафар мақоми дуюм ва 8 нафар ба гирифтани ҷойи сеюм мушарраф гардида, 11 кас соҳиби ҷойҳои ифтихорӣ шуданд.

Дар Озмуни ҷумҳуриявии «Тоҷикистон — Ватани азизи ман» бошад, панҷ нафар дар номинатсияҳои овозхонӣ — жанри академӣ, навозандагӣ — жанри эстрадӣ, дизайн – жанри муд, навозандагӣ — жанри анъанавӣ, навозандагӣ — жанри эстрадӣ ҷойҳои намоёнро ишғол намуданд.

Ғолибони озмунҳои ҷумҳуриявӣ ва мусобиқаҳои варзишӣ бо ифтихорнома, туҳфаҳои хотиравию мукофотпулӣ қадр ва варзишгар Шакармамад Мирмамадов беҳтарин варзишгари соли 2024-и ВМКБ дониста шуд.

М. ИМОМНАЗАР,

«Садои мардум»