ДУШАНБЕ. (Хайруллои АБДУВАҲҲОБ, «Садои мардум») Тавре аз Вазорати кишоварзии Ҷумҳурии Тоҷикистон хабар доданд, имсол дар ҷумҳурӣ мувофиқи дурнамо дар майдони 200082 гектар кишти чигит, аз ҷумла 6700 гектар кишти чигити пахтаи навъи маҳиннах гузаронида мешавад. То санаи 15 апрели соли равон дар майдони 156203 гектар пунбадона кишт шудааст, ки баробари 78,1 фоизи дурнамо буда, нисбати ҳамин давраи соли гузашта 35796 гектар зиёд мебошад. Имсол кишоварзони мамлакат асосан «Флора», «Кармен», «Намангон», «Ҳисор», «Истиқлол» ва дигар навъҳои тухмии ватаниро кишт менамоянд.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
