ҚӮРҒОНТЕППА. (Давлат СУЛТОНОВ, «Садои мардум») Пиллапарварони вилояти Хатлон ба ҷойи 597,5 тоннаи нақша беш аз 600 тонна пиллаи хушсифат истеҳсол намуда, аз иҷрои дурнамои солонаи истеҳсоли пилла сарбаландона мужда расониданд. Онҳо соли равон 14 ҳазору 103 қуттӣ кирмак парвариш карданд. Пиллапарварони ноҳияи Қубодиён дар вилоят аввалин шуда, аз иҷрои дурнамои солона баромада буданд. Баъзе пиллапарварони пешқадам аз ҳар як қуттӣ то 70 кило абрешими хом ба даст оварданд. Дар вилоят аз миқдори умумии кирмаки парваришнамуда 48 фоизашро навъи хитойӣ ташкил намуд. Парвариши ин навъ имкон дод, ки як қатор кирмакпарварони ноҳияҳои иқлимашон гарми вилоят баробари ҳосили хуб гирифтан, дар 29 рӯзи нигоҳубин ба нуқтаҳои пиллақабулкунӣ ҳосили дастранҷи худро пешкаш намоянд.
Воситаҳои ахбори оммаи имрӯза ба минбари таҳлилу баррасии фарогири мушкилоти рӯз табдил ёфтаанд. Онҳо ба масъалаву мавзӯъҳое даст мезананд, ки бояд аз ҷониби сохтору мақомоти гуногуни давлатӣ дар доираи ваколатҳояшон ҳал карда шаванд.
Эмомалӣ Раҳмон
